PBA HANDA NA SA IKA-40 TAON NA SELEBRASYON
By Eddie Alinea
PhilBoxing.com
Sun, 07 Dec 2014
Ngayon pa lamang ay naghahanda ang Philippine Basketball Association para sa selebrasyon ng ika-40 taon nito. Actually, nag-umpisa na ang selebrasyon dito sa kasalukuyang ginaganap na Philippine Cup pero ang aktuwal na kapistahan ay sa Abril pa sa susunod na taon.
Marami ang tampok at makukulay na programang inihahanda, ayon kay PBA chair Patrick Gregorio at commissioner Chito Salud, bago pa lamang itaas ang telon sa All-Filipino. At isa sa mga itatampok ay ang pagkilala sa 40 Greatest PBA Players na nakaraang 40 taong pagkabuhay ng pinaka-unang liga propesyonal di lamang dito sa bansa kundi magins sa buong Asya man.
Labinlimang dakilang manlalaro pa ang idadagdag sa nauna nang 25 na pinarangalan noong ika-25 anibersaryo ng liga sa pangunguna ni ?Living Legend? Robert ?Sonny? Jaworski. Kabilang sa mga naunang kinilala ay sina Bogs Adornado, Atoy Co at Philip Cezar ng legendary Crispa, naging arch enemies nina Jawo, Mon Fernandez at Francis Arnaiz ng Toyota.
Kabilang din sa pinanangaralan noong ika-25 anibersaryo ng PBA at muling kikilalanin sa ika-40 taon liga ay sina Freddie Hubalde, Abet Guidaben at Bernard Fabiosa ng Crispa; Hector Calma, Samboy Lim, Allan Caidic, Ato Agustin at Manny Paner ng San Miguel; Alvin Patrimonio at Jerry Codinera ng Purefoods; Johnny Abarrientos, Kenneth Duremdes at Jojo Lastimosa ng Alaska Milk; Ricardo Brown, Danny Florencio, Vergel Meneses, Lim Eng Beng, Ronnie Magsanoc at Benjie Paras.
Si Fernandez, siyempre, at si Patrimonio ang dalawa lamang na manlalarong nagawaran ng tig-apat na Most Valuable Player na parangal. Si Adornado ay tatlong beses na naging MVP, dalawa sa Crispa at isa sa Universal Textiles. Si Guidaben at Paras ay dalawang beses kapuwa na tinanghal ng best player ng season.
Ginawaran bilang pinakamagaling na manlalaro ng taon si Fernandez noong 1982 nang siya ay naglalaro pa as Toyota, 1984 sa Beer Hausen, 1986 sa Tanduay at 1988 San Miguel Beer/Purfoods at si Patrimonio noong 1991, 1993, 1994 at 1997 lahat habang dala ang kulay ng Purefoods. Si Alvin ang pangalawa lamang sa dalawang manlalarong nagkaroon ng back-to-back MVP. Si Adornao na pinakaunang naging MVP noong 1975 ay umulit noong 1976 kapuwa sa ilalim ng bandera ng Redmanizers. Naging MVP rin siya noong 1981 habang naglalaro sa U-Tex.
Unang nakatanggap ng MVP award si Guidaben noong 1983 sa Crispa at nasundan ito noong 1987 sa Great at si Paras noong 1989, taon nang siya ay maging Rookie of the Year din, at noong 1999 kapuwa sa Shell.
Gaya ng nasabi ng SALA SA INIT ? sa bukana ng kolum na ito, 15 dakila pa na nagpaabong sa liga sa sumunod na 15 taon. Ito ay sina James Yap, Mark Caguioa, Arwind Santos, Willie Miller, Danny Ildefonso, Asi Taulava, Erik Menk, Kelly Williams, Jayjay Helterbrand, Jimmy Alapag, pawang mga naging MVP at sina non-MVPs Chito Loyzaga, Mark Pingris, Kerby Rymundo, Marlow Aquino at Jason Castro.
Si June Mar Fajardo, ang naghaharing MVP, ay hindi nakasama sa mga pinili sa dahilang tatatlong taon pa lamang siyang naglalaro sa liga.
Ang 15 mga napili sa dumaan sa isang selection process ng walo kataong panel sa pangunguna ni dating PBA player na si Freddie Webb at kinabibllangan nina Jaworski, kasalukuyang PBA chair Gregorio, vice chair Robert Non, Rep. Elpidio Bragaza, chair ng committee on Games and Amusement ng Mababang Kapulungan, PBA press Corps president Barry Pascua at kolumnistang si Joaquin Henson.
Limang mamahayag ay bibigyan din ng parangal bilang pagkilala sa pagiging pioneer nila sa pag-kober ng PBA Games. Ito ay sina Ding Marcelo ng Bulletin, Jun Engracia at Ernie Gonzales ng Inquirer, Lito Tacujan ng Philippine Star at ang kolumnistang ito.
Ang mga sumakabilang buhay nang sina Tony Siddayao, Ikeng Gonzales at Roger Flores, ay mga orihinal na miyembro ng media na kumober ng PBA Games nang ang liga ay isilang.
Gaya nina Guidben at Paras, tinanghal ding two-time MVP sina Ildefonso noong 2000 at 2001 sa San Miguel Beer, Miller noong sa Batang Red Bull at 2006 Alaska at Yap noong 2005 at 2009 sa San Mig Coffee.
Click here to view a list of other articles written by Eddie Alinea.
Recent PhilBoxing.com In-House articles:
THE PAST WEEK IN ACTION 3 FEBRUARY 2026: Shakur Schools Teofimo to Become 4-Division Champ; Zayas Unifies WBA/WBO Superwelter; Kelly Beats Murtazaliev
By Eric Armit, Wed, 04 Feb 2026Round 12 with Mauricio Sulaimán: A Grand Week for Boxing in NY
By Mauricio Sulaimán, Wed, 04 Feb 2026Boxlab Promotions Euri Cedeno and Carlos De Leon Castro Shine in San Juan Victories
Wed, 04 Feb 2026National Boxing Hall of Fame 2026 is set to April 26 in Montebello, California
By Gabriel F. Cordero, Wed, 04 Feb 2026Vito Mielnicki Jr. Returns Home to Defend WBC USA, IBF USBA and WBO Global Middleweight Championships Against Omar Ulises Huerta
Wed, 04 Feb 2026Noah Lucas Palcis sees action in Bangkok chess meet
By Marlon Bernardino, Wed, 04 Feb 2026Reymond Yanong Edges Out Hayato Ono for Split Decision Win in Japan
By Carlos Costa, Tue, 03 Feb 2026“I’m gonna smoke whoever is in front of me, Anthony Wright- Hearn makes his pro debut March 13 at Thunderdome 53
Tue, 03 Feb 2026Pacman's Cue Club Hosts J&P 10 Ball Cup from Feb. 4 to 7
By Marlon Bernardino, Tue, 03 Feb 2026Mt. Apo Boulder Face Challenge is back
By Lito delos Reyes, Tue, 03 Feb 2026WILDER AND CHISORA FACE OFF IN ICONIC TIMES SQUARE TO ANNOUNCE APRIL 4 HEAVYWEIGHT SHOWDOWN AT THE O2 LONDON
Tue, 03 Feb 2026World Boxing appoints Tom Dielen as new Secretary General
Tue, 03 Feb 2026Sullivan Management signs 19-1 power-punching Albanian heavyweight Kristian Prenga
Tue, 03 Feb 2026Another Grandeza in MMA is coming
By Lito delos Reyes, Tue, 03 Feb 2026Gracie meets Zubiri in PH
By Lito delos Reyes, Mon, 02 Feb 2026