LET'S GET IT ON!
By Manny Pacquiao
PhilBoxing.com
Sun, 01 Nov 2009
LOS ANGELES — Isang magandang pagbati ang gusto ko sanang iparating sa inyong lahat, nawa ay nasa mabuti kayong kalagayan saan man kayo naroroon sa mundo. Dalawang linggo na lang at bakbakan na! I am so excited because I think I am very much ready and prepared for the fight against Miguel Cotto on November 14 at the MGM Grand Arena in Las Vegas.
Napakabilis talaga ng takbo ng panahon, ang takbo ng oras. Kamakailan lamang ay nagsisimula pa lang kami sa paghahanda sa laban at ngayon ay halos malalampasan na namin ang pinakamahirap na yugto ng training papasok sa huling dalawang linggo bago ang laban. Bukas, araw ng Sabado, inaasahan kong sasabak ako sa 12 rounds ng sparring kontra sa tatlong sparring partners at mula roon ay pababa na nang pababa ang bilang ng rounds ng sparring habang pataas nang pataas na naman ang lebel ng mental preparation para sa laban.
I feel very good. Training camp has been perfect so far and my trainer Freddie Roach and I think we have a great chance of beating the welterweight champion of the world. Let’s get it on! You know…
Sa tingin namin, napaghandaan na ng aking training team ang halos lahat ng posibleng maaaring gawin ni Cotto sa laban sa tinaguriang pinakamalaking laban ng taon. Handa kami sa anumang maaari niyang gawin sa laban at sa aming palagay ay malaki ang tsansa nating makuha ang minimithing record sa boxing na wala pang nakakagawa, ang makakuha ng ikapitong world title sa ikapitong weight division. Kung papalarin, ako pa lang ang makakagawa noon.
Kontra sa mas malaki at mas malakas na kalaban, kailangan kong pag-ibayuhin ang bilis at pantayan ang kanyang lakas kahalo ng isang masusing technique upang maungusan ko ang kalaban, ang idolo ng Puerto Rico. Hindi naman nagkakalayo ang aming height kaya hindi naman gaanong kalakihan ang kaniyang kalamangan. Ang style ni Cotto, iyong hindi umaatras sa harapang sagupaan, ay lubhang kapana-panabik para sa lahat. Iyan ang gusto ko at iyan ang gustong panoorin ng lahat ng fans ng boksing. Sa tingin ko, itong laban na ito ang isa sa pinakamahirap at pinaka-exciting na laban sa kabuuan ng aking career.
Gaya ng huli kong tatlong laban, ang lightweight championship kontra sa lightweight champion na si David Diaz; ang “Dream Match” namin ni Oscar “Golden Boy” Dela Hoya sa 147 pounds; at ang light-welterweight championship na laban namin ni Ricky Hatton, wala akong naging problema sa timbang at bagkus ay pilit nga akong kumakain ng marami. Sobra-sobra ang aking pagkain dahil kung hindi ay mabilis akong papayat. Nakakatuwang isipin na noong isang taon lamang, sa buwan ng Marso, ako ay lumalaban pa rin bilang isang super-featherweight, 17 pounds na diperensiya ng timbang mula noong makuha ko ang isa pang titulo.
Sa loob ng isa at kalahating taon mula noon, maraming mga bagay ang nangyari na at lahat ay magaganda at halos hindi kapani-paniawalang mga pangyayari. Marami ang naniniwala at karamihan ng mga boxing fans ang nagsasabi na ako ay ang No. 1 pound-for-pound best boxer, kaya naman dapat kong patunayan ito sa tulong ninyong lahat dahil kayo ang aking inspirasyon. Sa inyong mga panalangin nagmumula ang lakas, tapang at pagsusumikap na malusutan ko lahat ang mga pagsubok sa buhay. Sana ay ipagpatuloy natin ang pagdarasal para sa isa’t isa.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025Jeremy Marticio wins IIEE SIKAT, ICFF won PTC World Engineering Opening
By Marlon Bernardino, Sat, 13 Dec 2025Facularin to fight Torres on December 13 in Japan
By Lito delos Reyes, Fri, 12 Dec 2025Baricuatro wins, Veloso falters in SEAG boxing
By Lito delos Reyes, Fri, 12 Dec 2025BASH BOXING AND UP NEXT FIGHTING RETURN WITH SPECIAL EDITION UNF 29 TOMORROW NIGHT AT ACE · MISSION STUDIOS IN LOS ANGELES
Fri, 12 Dec 2025MERCADO AIMING TO SEND MESSAGE TO 140LB RIVALS
Fri, 12 Dec 2025Sullivan Management signs Influencer/pro boxer Brooklyn Barwick
Fri, 12 Dec 2025Round 12: Successful WBC Annual Convention in Bangkok (Photos)
By Mauricio Sulaimán, Fri, 12 Dec 2025Halfway Point Surpassed at the 2025 USA Boxing National Championships
Fri, 12 Dec 2025