Salamat sa mga sportswriters
By Manny Pacquiao
PhilBoxing.com
Thu, 12 Feb 2009
GENERAL SANTOS CITY ? Magandang araw po sa inyong lahat. Sana ay nasa mabuti kayong kalagayan gaya ng inyong abang lingkod na abalang-abala sa pagtatapos ng mga proyekto bago tuluyang magsimulang mag-promote at mag-training para sa susunod na laban sa May 2.
Ayon sa plano, gugugulin namin ang halos walong linggo para sa paghahanda para kay Ricky Hatton sa aming laban na gaganapin sa malawak na MGM Grand Arena sa Las Vegas, Nevada.
Pagkagaling lamang namin sa Guam nitong isang linggo, tinuloy ko naman ang pag-shoot ng TV show na Totoy Bato kasama si Robin Padilla at marami pang batikang actor. Hahabol ako papuntang General Santos upang tapusin ang mga nalalabing subjects sa kolehiyo at pagkatapos ay bibinyagan na rin ang aking bunsong anak na si Queen Elizabeth.
Sa ika-20 ng buwang kasalukuyan, ako naman ay magagawaran ulit ng Athlete of the Year award at dahil sa maraming beses na akong nakakuha ng award na ito, ilalagay na raw ako sa matayog na puwesto ng Hall of Fame matapos ang isang makasaysayang taon ng pangangampanya sa tatlong magkakaibang weight divisions nitong nakaraang taon ng 2008.
Nagpapasalamat ako sa mga sportswriters na bumubuo ng Philippine Sportswriters Association (PSA) sa pagpili nila sa akin at sa pagkilala nila sa mga matatayog na resulta ng aking boxing career, kasama na ang pagkamit ko ng super-featherweight title mula kay Juan Manuel Marquez ng Mexico at ang 135-pound lightweight title ni David Diaz ng Chicago. Kung wala ang mga manunulat, wala rin si Manny Pacquiao.
Higit sa lahat, ang pagkakatalo natin sa higanteng si Oscar Dela Hoya ng 147 pounds division ang isa sa pinakamakinang na resulta hindi lang sa aking career kundi sa buong kasaysayan ng sport ng boksing dahil sa loob ng isang taon, nakamit ko at napantayan ang kakaiba at namumukod-tanging record ni Henry Armstrong, na lumaban din sa tatlong magkakaibang division at nanalo rin sa bawat isa. Ayon sa aking tagapagsaliksik, ang record na ito ay mahigit na 80 taon na mula nang manalo sa Armstrong noong taong 1937.
Tinatanggap ko ang parangal na ito kahit na hindi pa tapos ang aking career at bagkus ay lalong papataas pa ang ating paghahanap ng mas malalaking parangal na aking iniaalay sa aking pamilya, mga kapwa Filipino at sa Poong Maykapal na Siyang nagbigay sa akin ng lahat ng ito.
Naaalala ko noong una akong makatanggap ng Athlete of the Year award mula sa PSA. Bata pa ako noon. Parang kailan lang at para ring napakatagal na ng mga araw na nagdaan. Hindi pa rin naman ako matanda sa edad na 30. Asahan po ninyo na lalo kong pagbubutihin at pag-iibayuhin ang paghahangad ng mas matatayog na pangarap, na pangarap din nating lahat.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025