2009: Malaking Pagsubok
By Manny Pacquiao
PhilBoxing.com
Thu, 08 Jan 2009
LOS ANGELES?Magandang araw po ulit sa inyong lahat, mga ginigiliw kong tagasubaybay ng kolum na ito. O kay bilis talaga ng panahon, at sa isang iglap ay tapos na naman ang isang linggo ng taon, na parang hangin lang na dumaan sa ating mga gunita at alaala.
Sa mga panahong ito, masaya kaming nagkakabuklod ng aking buong mag-anak dito sa Los Angeles at ngayon pa lang ako nakakabawi sa aking mga mahal sa buhay dahil kadalasan, kung hindi ako nag-eensayo para sa susunod na laban ay ako naman ay nag-aaral sa kolehiyo o di kaya ay gumagawa ng mga proyekto na aking kinagigiliwan gaya ng pagkanta, paggawa ng pelikula o di kaya ay nagsu-shoot ng commercials ng mga kumpanya na aking ini-endorse.
Sa susunod na linggo, ako naman po ay babalik na sa Pilipinas upang tapusin ang mga nalalabing subjects ng aking course sa college. Sabik na ako na bumalik sa pagiging isang estudyante, isang bagay na hindi ko nagawa noong ako ay isang bata pa dahil na rin sa hirap ng buhay.
Pilit kong gustong tapusin ang pag-aaral dahil ang diploma ang isa sa mga bagay na pinakaninanais kong makamit sa aking buhay, bukod pa sa mga parangal ng boksing na aking natanggap na sa halos 14 na taon ko nang lumalaban sa taas ng ring. Naaalala ko pa noong 1995 sa buwan ng Enero rin ako unang lumaban at sa pagbabalik-tanaw, malayo na rin pala ang aking narating.
Pero hindi pa diyan magtatapos ang lahat dahil sa taong ito, mas lalong magiging matindi ang mga pagsubok dahil alam ko, lahat ng mga boksingero sa mundo ay gustong lumaban sa akin at gusto akong talunin. At dahil sa ako ay tinaguriang pound-for-pound No. 1 boxer sa mundo, karapat-dapat lang na pag-ibayuhin ko pa ang paghahanda at pag-asinta sa mas malalaking tropeo ng buhay.
Hindi na rin po ako bumabata. Kamakailan lang ay sumapit na ang aking ika-30 kaarawan at sa taong ito, napag-isip-isip ko rin na mas mahalaga na makapag-ipon at makapag-retire na malusog ang pangangatawan at pag-iisip upang lalo kong malasap at ma-enjoy ang mga bunga ng aking paghihirap at sakripisyo.
Sa paglipas ng mga araw, palapit na nang palapit ang pagtatapos ng negosasyon para sa napipinto naming laban ni Ricky Hatton, ang hari ng boksing ng England. Habang tinatapos ng aking promoter na Top Rank Inc. ang maliliit na detalye ng laban namin ni Hatton, pilit kong pinagkakasya ang maliit na panahon na nasa aking mga kamay upang gampanan ko ang aking tungkulin bilang isang ama sa aking mga anak, lalong lalo na sa pinakabagong miyembro ng pamilya, na si Queen Elizabeth.
Sigurado ako na marami pang malalaking laban ang nag-aabang sa taong ito lalung-lalo na kung maipapanalo natin ang susunod na laban.
Sa mga pagkakataong gayon, kakailanganin ko po ulit ang inyong mga dasal, tulong at suporta, gaya ng ating ginagawa mula pa noon.
Hanggang sa muling Kumbinasyon. God Bless Us All in 2009.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025Jeremy Marticio wins IIEE SIKAT, ICFF won PTC World Engineering Opening
By Marlon Bernardino, Sat, 13 Dec 2025Facularin to fight Torres on December 13 in Japan
By Lito delos Reyes, Fri, 12 Dec 2025Baricuatro wins, Veloso falters in SEAG boxing
By Lito delos Reyes, Fri, 12 Dec 2025BASH BOXING AND UP NEXT FIGHTING RETURN WITH SPECIAL EDITION UNF 29 TOMORROW NIGHT AT ACE · MISSION STUDIOS IN LOS ANGELES
Fri, 12 Dec 2025MERCADO AIMING TO SEND MESSAGE TO 140LB RIVALS
Fri, 12 Dec 2025Sullivan Management signs Influencer/pro boxer Brooklyn Barwick
Fri, 12 Dec 2025Round 12: Successful WBC Annual Convention in Bangkok (Photos)
By Mauricio Sulaimán, Fri, 12 Dec 2025Halfway Point Surpassed at the 2025 USA Boxing National Championships
Fri, 12 Dec 2025