Maligayang Pasko sa Lahat
By Manny Pacquiao
PhilBoxing.com
Fri, 26 Dec 2008
LOS ANGELES -- Isang maligayang Pasko ang aking ipinahahatid sa inyong lahat at sana, madama ninyong lahat ang tunay na diwa ng Kapaskuhan at sana, kayo pong lahat ay nasa mabuting kalagayan ng pag-iisip, pangangatawan at higit sa lahat, sa ispirutwal na aspeto ng buhay.
Kararating ko lang po, kasama ang tatlo kong mga anak, upang ditto ipagdiwang ang Kapaskuhan, sa piling ang aking asawang si Jinkee.
Matapos ang aking laban noong Disyembre 6, umuwi ako sa Pilipinas upang kasama kong mag-celebrate ang aking mga kababayan na hanggang ngayon ay tuwang-tuwa pa rin matapos nating manalo kontra sa Golden Boy ng boxing, si Oscar Dela Hoya. Kasabay din nito ang padiriwang ng aking ika-30 kaarawan noong isang linggo na kumumpleto ng kasiyahan ng isang bansang naghahangad ng isang malaki at magandang balita.
Sa aking pagbabalik ditto, ako, at ng aking tatlong anak ay hihintayin ang pagsisilang ni Jinkee sa aming ikaapat na anak, na isa ring babae.
Masaya po ang pasko ngayong taon na ito dahil bukod sa tagumpay natin laban sa Goliath ng boksing na si Dela Hoya, nakuha rin natin ang dalawa pang sinturon ng World Boxing Council na magkaibang timbang. Ito ang super-featherweight title ng Mexican na si Juan Manuel Marquez at ang lightweight championship belt ni Mexican-American na si David Diaz.
Masaya ako dahil nakapagbigay din ako ng saya sa inyong lahat at tatlong beses ngayong taon na ito na tayong lahat at naging iisang bansa sa pagsigaw at pagpapangarap ng tagumpay.
Kahit minsan man lang, nagkabuklod-buklod ang pamilya, ang mga magkakaibigan, at kahit na ang mga magkakaaway. Sa isang pagkakataon, nawala ang traffic sa EDSA, tumigil ang putukan sa mga hanay ng kampo ng mga magkakasalungat na idolohiya. Pati ang krimen ay tumigil dahil halos lahat ay nanonood ng aking laban at halos lahat ay sabay-sabay nananalangin para sa ikapapanalo nating lahat bilang isang bansa, isang lipi, isang diwa.
Sa araw ng pasko, sana ay maunawaan ng lahat ang tunay na mensahe ng araw na ito, na ang pagsilang ni Kristo ay nagdudulot ng pag-asa, panibagong buhay at kaligtasan ng sanlibutan.
Alam kong naging mahirap din para sa pandaigdigang ekonomiya ang makabangon sa isang krisis kaya naman hindi natin maiiwasan na makaramdam ng kahirapan sa buhay. Hindi nangangahulugan na tayo ay dapat na malungkot dahil sa hirap ng buhay o sa kawalan ng mga biyaya. Mahalaga para sa atin na maintindihan ang kahalagahan ng araw na ito na dapat ay magdulot ng saya at pag-asa.
From my family to yours, may you have a Blessed Christmas.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025Jeremy Marticio wins IIEE SIKAT, ICFF won PTC World Engineering Opening
By Marlon Bernardino, Sat, 13 Dec 2025Facularin to fight Torres on December 13 in Japan
By Lito delos Reyes, Fri, 12 Dec 2025Baricuatro wins, Veloso falters in SEAG boxing
By Lito delos Reyes, Fri, 12 Dec 2025BASH BOXING AND UP NEXT FIGHTING RETURN WITH SPECIAL EDITION UNF 29 TOMORROW NIGHT AT ACE · MISSION STUDIOS IN LOS ANGELES
Fri, 12 Dec 2025MERCADO AIMING TO SEND MESSAGE TO 140LB RIVALS
Fri, 12 Dec 2025Sullivan Management signs Influencer/pro boxer Brooklyn Barwick
Fri, 12 Dec 2025Round 12: Successful WBC Annual Convention in Bangkok (Photos)
By Mauricio Sulaimán, Fri, 12 Dec 2025Halfway Point Surpassed at the 2025 USA Boxing National Championships
Fri, 12 Dec 2025