PANGUNAHING MISYON SA BUHAY
By Manny Pacquiao
PhilBoxing.com
Thu, 04 Sep 2008
GENERAL SANTOS CITY ? Kumusta po ulit sa lahat ng masusugid na tagasubaybay ng kolum na ito at sana ay nasa mabuti kayong kalagayan saan mang panig ng mundo kayo naroroon.
Sa kalagitnaan ng buwan na ito, tutungo na ako sa America upang umpisahan na ang paghahanda sa napipintong laban namin ni Oscar Dela Hoya sa MGM Grand Arena sa Las Vegas, Nevada sa Disyembre 6.
Alam kong marami na sa inyo ang excited na at nag-aabang sa laban na ito na may halu-halong emosyon ng pagkasabik at pangangamba. Dahil ito ang pinakamalaking laban sa aking buhay mula nang mag-umpisa akong magboksing, kailangang maging perpekto ang aking paghahanda sa aming training camp para gumanda ang ating tsansa na magwagi laban sa mas malaki at mas matangkad na kalaban.
Marami ang nagsasabi na magiging mahirap ang laban na ito at ako po ay naniniwala na walang imposible. Totoong mahirap ang laban pero sa aking pag-iisip at paniniwala at pananalig sa Diyos, magwawagi tayo sa huli.
Bukod sa taglay nating bilis at lakas, ang panalangin ng marami kong mga kababayan ang pinagmumulan ng inspirasyon at dagdag na tapang ko sa ring. Alam kong kung maipapanalo natin itong laban na ito, ito ang magdudulot sa bansang Pilipinas ng malaking karangalan at marami pang benepisyo gaya ng pagpapanalo ng mga bansa sa World Cup ng soccer at iba pang malalaking sports events sa mundo. Dahil ang buong mundo ay inaasahang manonood sa labang ito, kailangan kong sumampa sa ring na 100 percent ang kundisyon ng pangangatawan, pag-iisip at emosyon.
Nabanggit ko rin po sa media kamakailan na marahil tatlong laban na lang ang nalalabi sa aking boxing career at maaaring mag-retire na ako sa taong 2009 hindi dahil sa desisyon kong pumasok sa public service sa taong 2010.
Opo, ginamit ko ang katagang public service at iniiwasan kong usisain ang pagpasok ko sa pulitika dahil marami na ang hindi natutuwa sa pagbigkas pa lamang sa salitang politics. Sa totoo lang po, ang aking pag-retire sa 2009 ay walang koneksiyon sa aking pagpasok sa public service sa 2010.
Dahil ito ang desisyon at mungkahi ng aking pamilya at mga malalapit na kaibigan, ang pagsasabit ng aking gloves ay dahil sa gusto kong magtapos ng pag-aaral, ma-enjoy ang aking pinaghirapan sa itaas ng ring at makasama ko ng lubos ang aking pamilya at mga anak na lumalaki na.
Ninanais ko pong tapusin ang aking career na ako pa rin ay nasa mataas na antas ng respeto sa ring at magreretire na kampeon. Ayaw ko pong magtapos ang aking career na kagaya ng ibang mga boxer na naging kampeon at nauwi lang na naghihirap sa huli ng kanilang buhay. Ang iba ay nagreretire na may pinsala sa katawan at pag-iisip at walang sapat na halaga ang kapalit nito.
Bukod dito, ang pinakapangunahing misyon ng aking buhay ay ang pagtutulong sa aking mga naghihikahos na kababayan at ang pagpasok ko sa larangan ng public service ang magdudulot ng katuparan sa mithiing ito.
Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025