Pahirap Na Nang Pahirap
By Manny Pacquiao
PhilBoxing.com
Thu, 29 May 2008
LOS ANGELES -- Magandang araw po sa inyong lahat. Sana ay nasa mabuti kayong kalagayan saan man kayo naroroon.
Sa pagpasok ng buwan ng Hunyo mga ilang araw na lang mula ngayon, masasabi kong nasa tamang lugar at timing ako at ng aking team tungkol sa paghahanda namin para sa laban sa Hunyo 28 sa Mandalay Bay Resort Arena kontra kay David Diaz.
Pahirap na nang pahirap ang training at pataas na nang pataas ang bilang ng rounds ng aking sparring. Kahapon, dumating pa ang isa sa aking makaka-spar upang tulungan ako sa paghahanda laban kay Diaz na sigurado kong naghahanda rin ng todo.
Ang nadagdag sa grupo ng aking sparring partners ay si Juan Rodriguez, isa ring kaliwete na tutumbasan ang galing, bilis, galaw at lakas ni Diaz, ang kampeon sa 135-pound division ng World Boxing Council.
Noong huli (Lunes), naka-walong rounds na ako ng sparring at sa bawat linggo na dumaraan, paparami pa rin ng paparami ang bilang ng rounds ng sparring hanggang sa aabot ng 12 rounds mga dalawang linggo bago ang laban.
Masaya ang aking training camp. Maayos ang aking takbo sa umaga at kasama ko pa ang aking asong si Pacman kung minsan na umaakyat sa bundok at tumatakbo rin siya sa park sa umaga. Nakakatuwa itong aso ko dahil madali siyang turuan ng tricks dahil siguro bata pa siya.
Kasama ko rin sa pagtakbo si Vernie Torres, isa sa aking mga kababatang boksingero noong nagsisimula pa akong magboksing sa amateurs sa General Santos City. Maayos ang aking pagkain dahil magaling na cook ang isa sa mga assistant trainers. Si Raides "Nonoy" Neri, tubong Davao, ang umaasikaso sa aking nutrition at sinisiguro niya na tama ang aking protein, carbohydrate and vitamins intake na nakukuha sa pagkain.
Si Buboy Fernandez naman ay maganda ang pakikisama niya kay coach Freddie Roach kasama na rin si Eric Brown na tumutulong sa calisthenics. Iyong kapatid ni Buboy na si Roger ang umaalalay sa lahat ng gawain sa bahay at sa paghahanda ng mga gamit para sa training.
Kumpleto ako sa mga kaibigan at mga taong nagmamalasakit sa akin. May mga nagmamaneho para sa akin, mayroon din akong sariling abogado, tagapagsaliksik at sekretaryo at iyong umaasikaso sa mga gawaing pang-opisina. Mayroon ding regular na nagmamasahe sa aking pagod na katawan dala ng pang-araw-araw na trabaho sa itaas ng ring.
Malaki na rin ang pagbabago ng aking buhay mula noong ako ay nagsisimula pa lang na sumikat sa boksing. Dati, si Buboy lang ang gumagawa ng lahat, laba, luto, bili ng pagkain, mag-aayos ng mga gamit. Nakatira lang kami sa isang motel sa tabi ng gym at kung minsan, talagang napupuno ng tao ang maliit naming silid. Ngayon, medyo maayos na rin ang lahat, pati ang apartment na aking tinitirahan.
Gayunpaman, mahirap pa rin ang buhay ng isang boksingero. Walang nagbago sa aking buhay at sa aking pananaw sa pang-araw-araw na gawain. Sa bawat oras, sinusugal ko ang aking buhay at ang aking kalusugan. Sa tulong ng Poong Maykapal, nakakaraos din ako sa bawat pagsubok.
Sa huli, tayong lahat ay magwawagi. Hanggang sa muling Kumbinasyon. God Bless Us All.
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
IBA embraces Bare Knuckle Boxing
Tue, 06 May 2025Monster Dynamite: Inoue Crushes Cardenas in Eight
Mon, 05 May 2025"THE MONSTER" SURVIVES EARLY SCARE, DESTROYS CARDENAS IN THRILLING WAR TO RETAIN UNDISPUTED CROWN
By Dong Secuya, Mon, 05 May 2025Dana White to Promote Canelo vs. Crawford: UFC Boss Set to Elevate Superfight to Historic Levels
By T. Chin-Te, Mon, 05 May 2025Bata Reyes impressed with upcoming young players during exhibition in Libis
By Marlon Bernardino, Mon, 05 May 2025Canelo Wins the 'Xicoténcatl' Belt and is Undisputed Super Middleweight Champion Once Again
By Gabriel F. Cordero, Sun, 04 May 2025Florentino Inumerable rules 2025 Illinois Senior State Chess Championships
By Marlon Bernardino, Sun, 04 May 2025Canelo Grinds Out Uninspiring Win Over Elusive William Scull in Saudi Arabia; Canelo-Crawford Up Next
By Dong Secuya, Sun, 04 May 2025Badou Jack Edges Norair Mikaelian in Grueling Cruiserweight Battle on Canelo-Scull Undercard
By Dong Secuya, Sun, 04 May 2025Jaime Munguía Avenges Loss, Dominates Bruno Suráce in Riyadh Rematch
By Dong Secuya, Sun, 04 May 2025Weigh-In Results: Naoya Inoue vs. Ramon Cardenas/Rafael Espinoza vs. Edward Vazquez World Championship Doubleheader
Sun, 04 May 2025Rolly Romero Upsets Ryan Garcia, Throws Garcia-Haney Rematch into Chaos
By Dong Secuya, Sat, 03 May 2025Haney's Cautious Approach Leads to Wide Decision Win Over Ramirez in Times Square
By Dong Secuya, Sat, 03 May 2025Teo Lopez Retains Titles with Unanimous Decision Over Barboza Jr. in Times Square
By Dong Secuya, Sat, 03 May 2025Canelo and Scull Hit the Scales: Undisputed Super Middleweight Showdown Set for Tomorrow in Riyadh
Sat, 03 May 2025