WINDY CITY WELCOME
By Manny Pacquiao
PhilBoxing.com
Thu, 22 May 2008
CHICAGO, IL -- Magandang araw po sa inyong lahat. Sana ay nasa mabuti kayong kalagayan sa pangangatawan, isipan at sa ispiritwal na aspeto ng inyong buhay. Habang sinusulat ko itong kolum ko na ito, ako po ay nasa himpapawid, nakasakay sa isang eroplano papuntang Chicago, Illinois upang i-promote ang aking laban sa mismong lugar ng aking katunggali na si David Diaz.
Ito ang kauna-unahang pagkakataon na nakarating ako dito sa Chicago. Noong bata ako, ang alam ko lang ay ito ang lugar ng Chicago Bulls ni Michael Jordan. Masaya ako dahil may nakapagsabi sa akin na maraming mga Pilipino ang naghihintay dito upang tumbasan ang "homecourt" advantage ni Diaz.
Si Diaz ay ipinanganak dito sa Chicago sa pamilya na tubong Mexico. Mataas ang respeto ko sa kanya dahil isa siyang kampeon at mabait na tao sa labas ng ring. Pero siyempre, pareho lang kaming mandirigma sa itaas ng ring at siguradong matindi ang aming bakbakan sa Hunyo 28 sa Mandalay Bay Resort Arena sa Las Vegas.
Nalaman ko mula sa piloto na halos anim na states ang binagtas namin mula sa Burbank airport sa California at mga halos 2,000 miles ang layo. (Paglapag namin, napansin ko na mas malamig ngayon dito kaysa sa Los Angeles.)
Pero bago kami lumipad noong gabi ng Martes, nag-spar muna ako sa hapon. Inumpisahan ko nang mag-spar at naka-limang rounds ako kontra dalawang kaliwete, kapwa magagaling at kapwa hawig ang style kay Diaz.
Matagal na rin na ako ay nakalaban ng isang kaliwete, ang huli ay laban kay Fahsan Rakkiatgym 3K Battery noong December 11, 2004. Bago iyon, si Wethya Sakmuangklang, isa ring Thai, ay nakasagupa ko noong April 28, 2001.
Sa sparring, nakaharap ko si Steve Quinonez, isang beterano. Ayon sa aking researcher, si Quinonez ay 37 taong gulang. Marami-rami na ring mga matitibay na boksingero ang nakaharap nitong ka-spar ko gaya nina Steve Forbes, Lovemore N'dou, Jose Luis Castillo, Stevie Johnston at ang yumaong si Diego Corrales. Tatlong round ang sparring namin ni Quinonez at mukhang seryoso siya sa kaniyang comeback.
Sumunod naman si Gary McMillan, tubong Scotland at isang matangkad na welterweight na may record na 4-1-1. Ipinanganak sa Edinburgh, Scotland si McMillan at matangkad siya sa akin. Mahaba rin ang kaniyang reach pero sanay na ako na makaharap ang ganitong mga kalaban. Maganda na masanay ako sa ganitong katunggali.
Malaki ang adjustment ng pakikipaglaban sa isang kapwa kaliwete. Ang huling kaliwete na naka-spar ko ay si Victor Ortiz nang nagsasanay ako laban kay Erik Morales, sa ikalawa ng tatlong pagkakataon naming pagkakaharap.
So far, so good. I feel fine and I think we are right on target with my training and conditioning. With God's help, we will soon be ready to overcome the challenge and we will emerge victorious. Bukas, makikita ko na rin ang mga boxing fans ng Chicago, tinaguriang Windy City. Excited na ako.
Hanggang sa muling Kumbinasyon. God Bless Us All!
Click here to view a list of other articles written by Manny Pacquiao.
Recent PhilBoxing.com In-House articles:
OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025Jeremy Marticio wins IIEE SIKAT, ICFF won PTC World Engineering Opening
By Marlon Bernardino, Sat, 13 Dec 2025Facularin to fight Torres on December 13 in Japan
By Lito delos Reyes, Fri, 12 Dec 2025Baricuatro wins, Veloso falters in SEAG boxing
By Lito delos Reyes, Fri, 12 Dec 2025BASH BOXING AND UP NEXT FIGHTING RETURN WITH SPECIAL EDITION UNF 29 TOMORROW NIGHT AT ACE · MISSION STUDIOS IN LOS ANGELES
Fri, 12 Dec 2025MERCADO AIMING TO SEND MESSAGE TO 140LB RIVALS
Fri, 12 Dec 2025Sullivan Management signs Influencer/pro boxer Brooklyn Barwick
Fri, 12 Dec 2025Round 12: Successful WBC Annual Convention in Bangkok (Photos)
By Mauricio Sulaimán, Fri, 12 Dec 2025Halfway Point Surpassed at the 2025 USA Boxing National Championships
Fri, 12 Dec 2025