Uunahin Ang Dapat Unahin
By Manny Pacquiao
PhilBoxing.com
Sun, 27 Apr 2008
GENERAL SANTOS CITY ? Magandang araw po sa inyong lahat. Sana ay nasa mabuti kayong kalagayan sa pangangatawan, pag-iisip at sa ispiritwal na aspeto ng inyong buhay.
Marami sa aking mga fans at mga kaibigan ang biglang nag-alala nang malaman nila na parang hindi ako naghahanda at seryoso sa susunod kong laban sa June 28 dahil akala nila, inuuna ko pa ang mga commitment ko at iba't-ibang mga dapat gawin sa aking buhay gaya ng aking pag-aaral at iyong isang biyahe namin sa China.
Mahirap din po na ang mga maraming bagay-bagay na nangyayari sa aking paligid at sa aking career ay kung minsan ay dapat ko pang i-explain o mabigyan-linaw. Kung minsan, mahirap na lang sabihin na marami ring mga bagay ang dapat hindi muna nilalabas sa media gaya ng mga detalye ng aking kontrata sa aming laban ni David Diaz. Hanggang ngayon ay tinatapos pa po ang mga final na nilalaman ng kasunduan sa aking susunod na laban.
Lingid sa marami, nagsimula na po ako sa aking light workouts dito sa General Santos City habang tinatapos ko rin ang aking pag-aaral. Seryoso po talaga ako na matapos ko itong mga subjects ko dahil pagdating ko sa Los Angeles, wala na ring makakapigil sa akin na mag-ensayo ng puspusan at buong puso.
Siguro, ganyan talaga ako at ang aking pagkatao, na kung may gusto akong abutin at matamo sa buhay, ibinubuhos ko ang lahat ng aking makakaya upang makamit ang anumang aking gustong naisin. Kahit na itong pagsusulat ng kolum ay binibigyan ko rin ng oras dahil alam ko, marami ang mga sumusubaybay sa aking kolum dahil marami ang gustong makaalam sa kung ano ang nangyayari sa aking buhay. Mahalaga po sa akin ang lahat ng aking fans kaya heto, tinatapos ko ang kolum na ito kahit na very busy ang schedule ko.
Sang-ayon naman ang aking team na hindi naman gahol ako sa oras kung magre-report ako for training sa May 10 sa Wild Card gym. Bale kung bibilangin, pitong linggo po lahat ang aking gugugulin para paghandaan ang American- Mexican na si David Diaz, ang kampeon ng WBC lightweight division.
Tumatakbo po ako sa umaga, minsan naglalaro ng basketbol sa hapon, upang ibalik ang hangin sa aking baga. Hindi naman kinakailangan na magsimula na ng heavy training dahil walang maibibigay na maganda ang ma-overtrain ang isang atleta. Mas mahirap po kapag nasobrahan ang ensayo.
Sa aking karanasan, ang anim hanggang walong linggo ay nagiging sapat na rin upang matamo ang maayos na kundisyon. Dahil sa aakyat ako ng timbang, hindi na ako lubos na mahihirapan sa pagkuha ng 135 pounds sa araw ng laban dahil sanay na ako na lumaban sa 130 pounds.
Totoo po, hindi na ako tutuloy muna sa isang trip sa China dahil marami ring oras ang dapat gugugulin doon. Makakapaghintay din ang trip na iyan, pagkatapos na siguro ng laban ko.
Congratulations nga po pala sa susunod na Armed Forces of the Philippines Chief of Staff na si Lt. Gen. Alexander Yano. Effective May 8, siya na ang mamumuno sa AFP. Siya po ay isa sa aking malalapit na kaibigan, supporter at siyempre, pinuno ng Philippine Army kung saan ako ay isang master sergeant. Congratulations po ulit, sir!
Hanggang sa muling Kumbinasyon and may God bless us all!
* * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025Jeremy Marticio wins IIEE SIKAT, ICFF won PTC World Engineering Opening
By Marlon Bernardino, Sat, 13 Dec 2025Facularin to fight Torres on December 13 in Japan
By Lito delos Reyes, Fri, 12 Dec 2025Baricuatro wins, Veloso falters in SEAG boxing
By Lito delos Reyes, Fri, 12 Dec 2025BASH BOXING AND UP NEXT FIGHTING RETURN WITH SPECIAL EDITION UNF 29 TOMORROW NIGHT AT ACE · MISSION STUDIOS IN LOS ANGELES
Fri, 12 Dec 2025MERCADO AIMING TO SEND MESSAGE TO 140LB RIVALS
Fri, 12 Dec 2025Sullivan Management signs Influencer/pro boxer Brooklyn Barwick
Fri, 12 Dec 2025Round 12: Successful WBC Annual Convention in Bangkok (Photos)
By Mauricio Sulaimán, Fri, 12 Dec 2025Halfway Point Surpassed at the 2025 USA Boxing National Championships
Fri, 12 Dec 2025