"Kadaugan" Nating Lahat
By Manny Pacquiao
PhilBoxing.com
Thu, 17 Apr 2008
GENERAL SANTOS CITY?Magandang araw po sa inyong lahat. Sana ay nasa mabuti kayong kalagayan.
Balik na naman po ako sa pag-aaral matapos kong sumaglit sa Boracay nitong weekend upang makapag-relax at makapagpahinga.
Ilang linggo na lang at sasabak na naman ako sa training sa US kaya ginagawa ko lahat ang aking makakaya upang magamit ang kaunting oras na nalalabi para sa aking sarili at pamilya.
Sa Abril 21, pupunta naman ako sa Cebu para sa isang boxing promotion ng MP Promotions at Rex "Wakee" Salud Int'l Promotions para paunlakan at maumpisahan ang pagdiriwang ng "Kadaugan sa Mactan." Para sa mga hindi nakakaintindi ng salitang "kadaugan," ito ay Bisaya ng "pagkapanalo."
Ipinagdiriwang sa linggong ito ang pagkakapaslang ni Lapu-Lapu sa mananakop at manlulupig na si Ferdinand Magellan. Sa imbitasyon nina Cebu Mayor Tomas Osme?a at Lapu-Lapu City Mayor Arturo Radaza at lahat ng mga kapwa ko Cebuano, gagampanan ko rin ang role ni Lapu-Lapu sa pagsasa-buhay muli ng "Kadaugan sa
Mactan" sa Abril 27. Ang aking pinakamamahal na asawang si Jinkee ang gaganap bilang Bulakna, ang asawa ni Lapu-Lapu. Taos-puso kong tinanggap ang role na ito ni Lapu-Lapu at isang karangalan ito para sa aking pamilya. Gaya ng pagkakawagi ni Lapu-Lapu laban sa mananakop, ako rin po ay magbubuwis ng buhay kung kinakailangan para hadlangan ang sinumang magtatangkang sakupin o dungisan ang bandila ng Pilipinas at ang dangal ng Pilipino.
Malapit sa puso ko ang mga mamamayan ng Cebu dahil alam ko, tubong Cebu ang mga angkan ng Pacquiao kaya hindi na ako nagdalawang-isip nung ako ay inimbitahan na gaganap bilang Lapu-Lapu at hahawak ng kris na simbolo ng armas na katutubo. Napatunayan nating lahat na ang mga Pinoy ay may likas na tapang at pag-ibig sa bayan at hindi tayo padadaig kahit na sa tinaguriang mga pinakamagaling na eskrimador ng Kanluran.
Sa paboksing namin sa Abril 21, lalaban si Randy Suico kontra sa Thailander na si Sornkom Jockeygym sa isang ten-round, non-title match.
Si Eden Sonsona ay sasagupa naman kay Richard Olisa para sa Philippine super-flyweight title habang ang ex-PABA light-flyweight champ na si Marvin Tampos ay makikipagtagisan kontra kay Allan Ranada ng Bohol. The rest of the card will pit Darrel Pucdol versus Dante Cantiga; John Reil Casimiro versus Marvin
Sonsona; Daniel Ponce Villacura against Esrael Sapo; Rodulfo Sumabong versus Tata Recablanca; Jayson Siaton versus John Mark Ranan; Ali Cali against TBA; and Emelio Ervas versus Tata Tadena.
Mag-abot ta diha sa Cebu para isilibrar ang Kadaugan sa Mactan sa sunod Domingo.
Hanggang sa susunod na Kumbinasyon. God bless us all.
Top photo: The painting depicts Philippine chieftain Lapu-lapu slaying the Spanish leader Ferdinand Magellan when Magellan's group attacked the island of Mactan, Cebu in 1521.
* * * * *
This article is also available at Abante Online.
Send your comments to Manny Pacquiao at mannypacquiao@abante-tonite.com
Click here to view a list of other articles written by Manny Pacquiao.
Recent PhilBoxing.com In-House articles:
OFFICIAL WEIGHTS AND RUNNING ORDER FOR PACHECO VS SADJO IN STOCKTON
Sat, 13 Dec 2025OFFICIAL WEIGHTS FROM TODAY'S CHM: 2 REMATCH SEASON CEREMONIAL WEIGH-INS IN DOWNTOWN LOS ANGELES
Sat, 13 Dec 2025Donaire to fight Tsutsumi on December 17 in Japan
By Lito delos Reyes, Sat, 13 Dec 2025Nesthy faces Indon legend
By Joaquin Henson, Sat, 13 Dec 2025Bob Santos Joins Broadcast Team for Boxlab Promotions’ “Night of Champions XIII” During WBA’s 104th Annual Convention
Sat, 13 Dec 2025Championship Bouts Set for the Bantam and Intermediate Division
Sat, 13 Dec 2025SEAG Triathlon, aquathlon, duathlon in Rayong
By Lito delos Reyes, Sat, 13 Dec 2025Jeremy Marticio wins IIEE SIKAT, ICFF won PTC World Engineering Opening
By Marlon Bernardino, Sat, 13 Dec 2025Facularin to fight Torres on December 13 in Japan
By Lito delos Reyes, Fri, 12 Dec 2025Baricuatro wins, Veloso falters in SEAG boxing
By Lito delos Reyes, Fri, 12 Dec 2025BASH BOXING AND UP NEXT FIGHTING RETURN WITH SPECIAL EDITION UNF 29 TOMORROW NIGHT AT ACE · MISSION STUDIOS IN LOS ANGELES
Fri, 12 Dec 2025MERCADO AIMING TO SEND MESSAGE TO 140LB RIVALS
Fri, 12 Dec 2025Sullivan Management signs Influencer/pro boxer Brooklyn Barwick
Fri, 12 Dec 2025Round 12: Successful WBC Annual Convention in Bangkok (Photos)
By Mauricio Sulaimán, Fri, 12 Dec 2025Halfway Point Surpassed at the 2025 USA Boxing National Championships
Fri, 12 Dec 2025